ఎన్నికలొస్తేనే నాయకులకు
ప్రజలు గుర్తుకొస్తుంటరు..
ఇంటిట తిరుగుతూ కడుపులో
తలకాయ పెడతరు..
గదువ పట్టుకుంటరు..
ఎవరు చూడక పోతే కాళ్ళు పట్టుకుంటరు..
ఇది నేటి రాజకీయ
నాయకుల ట్రిక్కులు,
అసలే తెలంగాణను తాగుబోతుల
రాష్ట్రంగా పిలుస్తున్నరు..
ఈ బిరుదు ఎవరి పుణ్యమో?
అందుకేనేమో ఎన్నికల్లల మద్యం,
డబ్బుల పంపకాలు జోరుగ జరుపుతరు..
ఒక్కొక్క నాయకుడు బ్యాంకుల్లో
దాచుకున్న డబ్బుల కుప్పలు ఎగజల్లుతారు.
ఆ డబ్బులతో నిలవ నీడ లేని
పేదోళ్లకు ఎన్ని వందల ఇండ్లు
కట్టీయా వచ్చునో!
పోనీ రెండు పూటల తిండికి
లెనోళ్ళను ఆదుకుంటారంటే మొఖం చాటిస్తరు.
ఇది మన ప్రజా ప్రతినిదులు,
నాయకుల తీరు..
మారదు నిరుపేద ప్రజల
బతుకులు మారవు..
` మామిడి రమేష్‌ హన్మకొండ