Wednesday, May 22, 2024

అరకొర గుడ్డలు.. ఆగమౌతున్నారు బిడ్డలు

తప్పక చదవండి

నేటి మహిళల ఎక్స్ పోజింగ్ వల్ల
నేరాల శాతం పెరుగుతుంది
మహాలక్ష్మిలా ఉండాల్సిన ఆడపిల్ల
కళ తప్పి కకలావికలం అవుతుంది

చేయెత్తి దండం పెట్టాల్సిన ఆడపిల్లకు
చెయ్యి పట్టి లాగే సంస్కృతీ మొదలైంది
పరాయి దేశపు పోకడలు
పదిమంది చూసేలా పొట్టి పొట్టి బట్టలు

- Advertisement -

ధనాన్ని ధాన్యాన్ని ఆస్తులని అంతస్తులని
దాచుకుంటూ అందాన్ని ప్రదర్శిస్తారు
ఎంత చూపిస్తే అంత గొప్ప అని
పోటిలుబడి సిగ్గువిడిచి చూపెడుతున్నారు

సినిమాల ప్రభావం
ఆకర్షణీయంగా కన్పించాలన్న ఆరాటం
వెరసి కామాంధుల కాటుకు బలియై
సమాజంలో తలెత్తుకోలేకపోతున్నారు

స్త్రీ అంటే గౌరవం పోగొట్టి
అసభ్యకరమైన వస్త్రాలు ధరిస్తున్నారు
వేషధారణ కి స్వాతంత్ర్యం లేదా
అని ఎదురు ప్రశ్నిస్తున్నారు

నీవు నిండుగా ఉంటె
నీపై కన్ను పడదు
కసిరేకెత్తించే బట్టలు కట్టి చూడద్దు అంటే
గాలిలో దీపం పెట్టి ఆరొద్దు అన్నటుంది
అందుకే అత్యాచారాల సంఖ్య పెరిగిపోయింది

ఆడవారికి మర్యాద అందంతోరాదు
కట్టుబొట్టుని చూసివస్తుంది
కట్టేమో చిలికి చిలికి సగమైంది
బొట్టేమో మాయమైపోయింది

ప్రమాదానికి నివారణే మందు
మన అక్కచెల్లెలను ఆలోచింపచేయాలి ముందు
పాశ్చాత్య దుస్తువులు చేయండి బందు
సాంప్రదాయ దుస్తువులే కన్నుల విందు

  • స‌రితా, హైద‌రాబాద్‌
    7013139947
-Advertisement-
- Advertisement -
తాజా వార్తలు
- Advertisement -

మరిన్ని వార్తలు