- ఫస్ట్ సాంగ్లోనే అదిరిపోయే రొమాన్స్..
ది మోస్ట్ వైలెంట్ సినిమాగా తెరకెక్కుతున్న యానిమల్ సినిమాపై సినీ లవర్స్లో ఉన్న ఎగ్జైట్మెంట్ అంతా ఇంతా కాదు. బార్డర్లు పెట్టుకున్న టాలీవుడ్కే అర్జున్ రెడ్డి లాంటి కల్ట్ సినిమాతో ట్రెండ్ సెట్ చేసిన సందీప్ రెడ్డి.. అసలు బార్డర్లు లేని బాలీవుడ్లో యానిమల్తో ఇంకెంత విధ్వంసం సృష్టిస్తాడో అని అందరిలోనూ తిరుగులేని అంచనాలున్నాయి. ఇప్పటికే రిలీజైన టీజర్ ఏ లెవల్లో విధ్వంసం సృష్టించిందో ప్రత్యేకించి చెప్పనవసరం లేదు. మరీ ముఖ్యంగా టీజర్లో సందీప్ మార్క్ స్పష్టంగా కనిపించింది. డిసెంబర్ 1న ఈ సినిమా పాన్ ఇండియా లెవల్లో రిలీజ్ కాబోతుంది. ఇక మేకర్స్ ఇప్పటి నుంచి బ్యాక్ టు బ్యాక్ అప్డేట్లు ప్రకటిస్తూ సినిమాపై వీర లెవల్లో అంచనాలు క్రియేట్ చేస్తున్నారు.
తాజాగా ఈ సినిమా ఫస్ట్ సింగిల్ అప్డేట్ను మేకర్స్ ప్రకటించారు. అమ్మాయి అంటూ సాగే ఓ మెలోడియస్ సాంగ్ను బుధవారం రిలీజ్ చేస్తున్నట్లు మేకర్స్ ప్రకటించారు. ఈ మేరకు ఓ స్పెషల్ పోస్టర్ను కూడా రిలీజ్ చేశారు. ప్రైవేట్ జెట్లో రణ్బీర్, రష్మిక లిప్లాక్ చేసుకుంటున్న పోస్టర్ను వదిలారు. మనన్ భరద్వాజ్ ఈ సినిమాకు స్వరాలు అందిస్తున్నాడు. గ్యాంగ్స్టర్ నేపథ్యంలో తెరకెక్కుతున్న ఈ సినిమాలో రష్మిక హీరోయిన్గా నటిస్తుంది. బాలీవుడ్ స్టార్ అనీల్ కపూర్.. రణ్బీర్ కు ఫాదర్ గా కనిపించనున్నాడు.
రివేంజ్ డ్రామా నేపథ్యంలో ఈ సినిమా తెరకెక్కుతుందని ఇన్సైడ్ టాక్. కాగా ముందుగా ఈ సినిమా ఆగస్టు 11న రిలీజ్ చేయాలని విశ్వ ప్రయత్నాలు చేసినా.. వీఎఫ్ఎక్స్ కారణంగా డిసెంబర్కు పోస్ట్ పోన్ చేశారు. ఇక ఎలాగో రిలీజ్కింకా టైమ్ ఉంది కనుక ఎడిటింగ్ రూమ్లో ఎక్కువ కసరత్తులే చేస్తున్నారట చిత్రబృందం. ఈ సినిమాను భద్రకాళి పిక్చర్స్, టీ సిరీస్ సంస్థలు సంయుక్తంగా నిర్మిస్తున్నాయి.