- ఓటీటీలోకి రాబోతోన్న ఖుషి చిత్రం
- విజయ్ సమంతల ఖుషికి మిక్స్డ్ టాక్
- బాక్సాఫీస్ వద్ద ఓడిపోయిన ఖుషి?
విజయ్ సమంతల ఖుషి చిత్రానికి మిక్స్డ్ టాక్ వచ్చింది. కలెక్షన్లు కూడా అలానే వచ్చాయి. కొన్ని ఏరియాలో బ్రేక్ ఈవెన్ అయింది. ఇంకొన్ని చోట్ల ఓకే అనిపించేలా వచ్చాయి. విజయ్, సమంత కలిసి నటించిన ఖుషి సినిమాకు వచ్చిన రెస్పాన్స్ అందరికీ తెలిసిందే. కొత్తగా ఉందని అందరూ మెచ్చుకోలేదు..
చెత్తగా ఉందని అందరూ తీసి పారేయలేదు. ఆ టైంకి వన్ టైం వాచబుల్ అంటూ అందరూ ఓకే అనుకున్నారు. కానీ లాంగ్ రన్‌లో సినిమాకు నష్టాలే వచ్చాయని తెలుస్తోంది. ఓవర్సీస్‌లో మిలియన్ క్లబ్బులోకి చేరిన ఖుషి.. సొంత గడ్డపై లాభాలు తెచ్చి పెట్టలేకపోయింది. తమిళ నాడులో జరిగిన బిజినెస్‌కు తగ్గట్టుగా వసూళ్లు వచ్చాయి. కోలీవుడ్‌లో ఖుషి ప్రాఫిట్లు తెచ్చి పెట్టింది.
కేరళలోనూ ఓకే అనిపించుకుంది. కానీ రెండు తెలుగు రాష్ట్రాలు, మరీ ముఖ్యంగా ఆంధ్ర, సీడెడ్ ఏరియాలో ఖుషికి అనుకున్నంతగా రాలేదని తెలుస్తోంది. డిస్ట్రిబ్యూటర్లకు నష్టాలను తెచ్చి పెట్టినట్టుగా టాక్ వినిపిస్తోంది. ఈ సినిమాకు జరిగిన బిజినెస్‌కు వచ్చిన లెక్కలకు మధ్య చాలానే తేడా ఉందని అంటున్నారు. తాజాగా ఓ తమిళ అనలిస్ట్ వేసిన ట్వీట్ మీద పెద్ద ఎత్తున చర్చలు జరుగుతున్నాయి. విజయ్ దేవరకొండ సమంతల ఖుషి అక్టోబర్ మొదటి వారంలోనే ఓటీటీలోకి రాబోతోంది. ఈ విషయాన్ని చెబుతూ.. పన్నెండు కోట్ల నష్టం తెచ్చిన ఖుషి సినిమాను ఓటీటీలో చూసేందుకు ఎవరు సిద్దంగా ఉన్నారు? అని సదరు అనలిస్ట్ ట్వీట్ వేశాడు. దీనిపై విజయ్ ఫ్యాన్స్ ఫైర్ అవుతున్నారు.