Friday, July 19, 2024

చంద్రబాబుకు భారీ ఊరట కల్పించిన ఏపీ హైకోర్టు

తప్పక చదవండి

ఏపీ మాజీ సీఎం, చంద్రబాబుకు ఏపీ హైకోర్టు భారీ ఊరట కల్పించింది. స్కిల్‌ డెవలప్‌మెంట్‌ కేసులో బెయిల్‌ మంజూరు చేస్తూ హైకోర్టు న్యాయమూర్తి టీ మల్లికార్జున రావు తీర్పును వెల్లడించారు. ఈ నెల 28న రాజమండ్రి జైలుకు వెళ్లాల్సిన అవసరం లేదని తెలిపింది. అయితే, ఈ నెల 30న ఏసీబీ కోర్టు ఎదుట హాజరుకావాలని చంద్రబాబును హైకోర్టు ఆదేశించింది. మధ్యంతర బెయిల్‌ మంజూరు సమయంలో షరతులు ఈ నెల 28 వరకే వర్తిస్తాయని తెలిపింది. చికిత్సకు సంబంధించి నివేదికను ఏసీబీ కోర్టులో అందించాలని కోర్టు ఆదేశించింది. ఏపీ స్కిల్‌ డెవలప్‌మెంట్‌ కేసులో చంద్రబాబు నాయుడిని సెప్టెంబర్‌ 9న నంద్యాలలో సీఐడీ అధికారులు అరెస్టు చేసిన విషయం తెలిసిందే. ఆ తర్వాత ఆయన 52 రోజుల పాటు జ్యుడీషియల్‌ రిమాండ్‌పై రాజమండ్రి సెంట్రల్‌ జైలులో ఉన్నారు. అయితే, ఆరోగ్య కారణాలతో బెయిల్‌ను కోరగా.. ఇటీవల మధ్యంతర బెయిల్‌ కోర్టు మంజూరు చేసిన విషయం తెలిసిందే.

-Advertisement-
- Advertisement -
తాజా వార్తలు
- Advertisement -

మరిన్ని వార్తలు