- క్యూ 3, తొమ్మిది నెలల ఏకీకృత ఫలితాలను ప్రకటించిన ఓలెక్ట్రా గ్రీన్ టెక్ లిమిటెడ్
ప్రముఖ ఎలక్ట్రిక్ వాహనాల తయారీ సంస్థ ఒలెక్ట్రా గ్రీన్‌టెక్ లిమిటెడ్, ఈ ఆర్ధిక సంవత్సరం డిసెంబర్ 31, 2023తో ముగిసే క్యూ 3 , తొమ్మిది నెలల ఏకీకృత ఆర్థిక ఫలితాలను సోమవారం ప్రకటించింది. సోమవారం జరిగిన బోర్డు సమావేశంలో డైరెక్టర్ల బోర్డు అధికారికంగా ఫలితాలను ఆమోదించింది. గత ఏడాది ఇదే సమయంలో 142 బస్సులను సరఫరా చేయగా ఈ ఏడాది వాటి సంఖ్య 178 కి చేరింది.
ప్రస్తుత ఆర్ధిక సంవత్సరం మూడో త్రైమాసికంలో ఓలెక్ట్రా ఆదాయం 33 శాతం పెరిగి 342. 4 కోట్లకు చేరింది. బస్సుల సరఫరా సంఖ్య పెరగటంతో ఈ గణనీయమైన ఆదాయ అభివృద్ధి నమోదు ఐంది. కంపెనీ ఇప్పటి వరకు 1615 ఎలక్ట్రిక్ వాహనాలను డెలివరీ చేయగా 8088 బస్సుల ఆర్డర్ సంస్థ వద్ద ఉంది. వడ్డీ, పన్నులు, తరుగుదల, రుణ విమోచనకు ముందు ఆదాయాలు ప్రస్తుత ఆర్ధిక సంవత్సరం 56. 10 కోట్లు. గత సంవత్సరం కంటే ఇది 52 శాతం పెరుగుదలను నమోదు చేసింది. పన్నుకు ముందు లాభం రూ. 33.84 కోట్లకు పెరిగింది, గత ఆర్థిక సంవత్సరం రూ. 20.46 కోట్లతో పోలిస్తే ఇది 65% పెరుగుదలగా నమోదు ఐంది. పన్ను తర్వాత లాభం రూ. 27.11 కోట్లుగా నమోదు ఐంది. గత ఆర్థిక సంవత్సరంలో రూ. 15.30 కోట్లతో పోలిస్తే ఇది 77% పెరిగింది. డిసెంబరు 31, 2023తో ముగిసిన తొమ్మిది నెలలకు కంపెనీ ప్రతి షేరుకు రూ.7.69 ఆదాయాన్ని నమోదు చేసింది. ఇది గత ఏడాది ఇదే సమయానికి రూ.4.70గా ఉంది.
డిసెంబర్ 31 2023 9 నెలల పనితీరు హైలైట్‌లు
2023-24 ఆర్ధిక సంవత్సరం 9 నెలల ఓలెక్ట్రా ఆదాయం రూ. 865.33 కోట్లు, ఇది గత ఏడాది కంటే 21% పెరిగింది. కంపెనీ యొక్క ఈబిఐటిడిఏ 9 నెలల్లో ఆకట్టుకునే రూ. 142.67 కోట్లకు చేరుకుంది, ఇది మునుపటి సంవత్సరంతో పోలిస్తే గణనీయమైన 40% పెరుగుదలను సూచిస్తుంది. పన్నుల చెల్లింపునకు ముందు లాభం రూ. 85.67 కోట్లకు పెరిగింది, గత ఆర్థిక సంవత్సరం రూ. 54.38 కోట్లతో పోలిస్తే ఇది 58% పెరుగుదల.పన్నుల చెల్లింపు తరువాత లాభం గత ఆర్థిక సంవత్సరం రూ. 39.40 కోట్లతో పోలిస్తే 62% పెరిగి రూ. 63.76 కోట్లుగా ఉంది.
ఫలితాలపై ఓ జి ఎల్ చైర్మన్ & మేనేజింగ్ డైరెక్టర్ కె వీ . ప్రదీప్ మాట్లాడుతూ, ” ప్రస్తుత ఆర్ధిక సంవత్సరం మూడో త్రైమాసిక, 9 నెలల మా ఏకీకృత ఆదాయంలో బలమైన వృద్ధిని నివేదించడం మాకు సంతోషంగా ఉంది. మా బస్సుల ఉత్పత్తి సామర్థ్యాన్ని, మా సాంకేతిక సామర్థ్యాలను పెంపొందించడంపై దృష్టి సారిస్తామన్నారు. మాకు బలమైన ఆర్డర్ బుక్ కూడా ఉంది. 150 ఎకరాల విస్తీర్ణంలో సీతారాంపూర్ ఫ్యాక్టరీ నిర్మాణ పనులు సాగుతున్నాయి. వచ్చే నెల నుంచి ఈ ప్రాంగణం నుంచి పాక్షిక ఉత్పత్తిని ప్రారంభిస్తున్నాము. ఈ ఫ్యాక్టరీతో మా ఉత్పత్తి సామర్థ్యం మరింత పెరుగుతుందని ఆయన తెలిపారు.
