Thursday, June 13, 2024

గృహ రుణాలపై భారీగా వడ్డీ రేట్ల పెంపు..

తప్పక చదవండి
  • అన్ని బ్యాంకులదీ అదే దారి..

భారతదేశంలో సొంతింటి కలను నిజం చేసుకోవాలనుకునే వారికి బ్యాంకులు షాకిచ్చాయి. దేశంలోని అనేక బ్యాంకులు జనవరి 2024లో తమ రుణ రేట్లను సర్దుబాటు చేశాయి. ప్రత్యేకంగా మార్జినల్‌ కాస్ట్‌-బేస్డ్‌ లెండిరగ్‌ రేట్లను సవరించడంతో వడ్డీ రేట్లు తగ్గాయి. ఇంచుమించు అన్ని బ్యాంకులు తక్కువ వడ్డీకే గృహ రుణాలను అందిస్తున్నాయి. ఈ నేపథ్యంలో ఏయే బ్యాంకులు ఎంత శాతం వడ్డీకు రుణాలిస్తున్నాయో? ఓసారి తెలుసుకుందాం.
ఐసీఐసీఐ బ్యాంక్‌.. ఐసీఐసీఐ బ్యాంక్‌ వెబ్‌సైట్‌ ప్రకారం జనవరి 1 నుంచి దాని ఎంసీఎల్‌ఆర్‌ రేటును 10 బేసిస్‌ పాయింట్లు పెంచింది.ఓవర్‌నైట్‌ రేటు మునుపటి 8.5 శాతం నుంచి 8.6 శాతానికి సర్దుబాటు చేశారు. ఒక నెల ఎంసీఎల్‌ఆర్‌ ఆధారిత రుణ రేటు మునుపటి 8.5 శాతంతో పోలిస్తే ఇప్పుడు 8.6 శాతం వద్ద ఉంది. అదనంగా మూడు నెలల రేటు 8.55 శాతం నుంచి 8.65 శాతానికి సవరించారు. ఆరు నెలల రేటు 8.90 శాతం నుంచి 9 శాతానికి, ఒక సంవత్సరం రేటు మునుపటి 9 శాతం నుంచి 9.10% వద్ద ఉంది.
పంజాబ్‌ నేషనల్‌ బ్యాంక్‌.. పీఎన్‌బీ వెబ్‌సైట్‌ ప్రకారం జనవరి 1 నుంచి బ్యాంక్‌ తన రుణ రేట్లను కొద్దిగా పెంచింది. ఓవర్‌నైట్‌ రేటు ఇప్పుడు 8.25 శాతం నుంచి ఒక నెల రేటు 8.30 శాతానికి పెంచింది. మూడు నెలల రేటు 8.40 శాతం, ఆరు నెలల రేటు 8.60 శాతం, ఒక సంవత్సరం రేటు 8.70 శాతానికి చేరింది. యస్‌ బ్యాంక్‌.. యస్‌ బ్యాంక్‌ వెబ్‌సైట్‌లోని సమాచారం ప్రకారం కొత్త రేట్లు జనవరి 1 నుంచి అమలులోకి వస్తాయి. ఓవర్‌నైట్‌ రేటు 9.2 శాతం ఉండగా ఒక నెలకు ఎంసీఎల్‌ఆర్‌ ఆధారిత రుణ రేటు 9.45 శాతంగా ఉంది. మూడు నెలల రేటు 10 శాతం, ఆరు నెలల రేటు 10.25 శాతం, ఒక సంవత్సరం రేటు 10.50 శాతంగా ఉంది. బ్యాంక్‌ ఆఫ్‌ ఇండియా.. బ్యాంక్‌ ఆఫ్‌ ఇండియా వెబ్‌సైట్‌లోని సమాచారం ప్రకారం బ్యాంక్‌ ఓవర్‌నైట్‌ పదవీకాలంలో 5 బేసిస్‌ పాయింట్లు పెరిగింది. ఇది జనవరి 1 నుండి అమలులోకి వచ్చింది. ఓవర్‌నైట్‌ రేటు ఇప్పుడు 8 శాతానికి చేరింది. ఒక నెలకు ఎంసీఎల్‌ఆర్‌ ఆధారిత రుణ రేటు 8.25 శాతం కాగా, మూడు నెలల రేటు 8.40 శాతం, ఆరు నెలల రేటు 8.60 శాతం, ఒక సంవత్సరం రేటు 8.80 శాతంగా ఉంది. బ్యాంక్‌ ఆఫ్‌ బరోడా.. బ్యాంక్‌ ఆఫ్‌ బరోడా జనవరి 12 నుంచి తన ఎంసీఎల్‌ఆర్‌ను సర్దుబాటు చేసింది. ఓవర్‌నైట్‌ ఎంసీఎల్‌ఆర్‌ మునుపటి 8 శాతం నుంచి 8.5 శాతానికి పెరిగింది. ఒక నెల ఎంసీఎల్‌ఆర్‌ 8.3 శాతం వద్ద మారలేదు. అయితే మూడు నెలల ఎంసీఎల్‌ఆర్‌ కూడా 8.4 శాతం వద్ద స్థిరంగా ఉంది. ఆరు నెలల ఎంసీఎల్‌ఆర్‌ మునుపటి 8.55 శాతం నుంచి 5 బేసిస్‌ పాయింట్లు స్వల్పంగా పెరిగి 8.60 శాతానికి చేరుకుంది. ఒక సంవత్సరం ఎంసీఎల్‌ఆర్‌ ఇప్పుడు 8.80 శాతానికి చేరుకుంది.
కెనరా బ్యాంక్‌.. కెనరా బ్యాంక్‌ కూడా జనవరి 2024 నుంచి వివిధ కాలాల్లో బ్యాంక్‌ తన రుణ రేట్లను 5 బేసిస్‌ పాయింట్లు పెంచింది. ఓవర్‌నైట్‌ రేటు 8 శాతం నుంచి 8.05 శాతానికి పెరిగింది. ఒక నెల రేటు ఇప్పుడు 8.1 శాతం నుంచి 8.15 శాతానికి పెరిగింది. అలాగే మూడు నెలల రేటు 8.20 శాతం నుంచి నుండి 8.25 శాతానికి పెరిగింది. ఆరు నెలల రేటు 8.55 శాతం నుంచి 8.60 శాతానికి పెరిగింది. అలాగే ఒక సంవత్సరం రేటు ఇప్పుడు 8.75 శాతం నుంచి 8.80 శాతానికి పెరిగింది. రెండేళ్ల రేటు 9.10 శాతానికి పెరిగింది.

-Advertisement-
- Advertisement -
తాజా వార్తలు
- Advertisement -

మరిన్ని వార్తలు