గవర్నర్ నిర్ణయాన్ని స్వాగతిస్తున్నాం..

• ధన్యవాదాలు తెలిపిన కిషన్ రెడ్డి..
• కేసీఆర్ కుటుంబానికి సేవచేసే వ్యక్తులను
  ఎమ్మెల్సీలుగా తీసుకోవాలా..?
• అవి సేవకులకు ఇచ్చే నామినేటెడ్ పదవులు..

హైదరాబాద్ : గవర్నర్​ కోటా ఎమ్మెల్సీల విషయంలో రాష్ట్ర గవర్నర్​ తీసుకున్న నిర్ణయాన్ని స్వాగతిస్తున్నాం. ఈ నిర్ణయానికి అభినందనలు తెలుపడంతోపాటు ధన్యవాదాలు చెబుతున్నాం అన్నారు కేంద్ర మంత్రి, రాష్ట్ర బీజేపీ అధ్యక్షులు కిషన్ రెడ్డి.. గవర్నర్​ కోటా, రాష్ట్రపతి కోటాలు మేధావులకు, విద్యావంతులకు, కవులకు, కళాకారులకు, సామాజిక కార్యకర్తలకు ప్రాధాన్యం ఇవ్వాల్సిన నామినేటెడ్​ పదవులు. ముఖ్యమంత్రి కేసీఆర్​ గతంలో కూడా అనేక క్రిమినల్​ కేసులు ఉన్న వ్యక్తులను ఎమ్మెల్సీలుగా నియమించాలని గవర్నర్​కు ప్రతిపాదనలు పంపితే.. గౌరవ గవర్నర్​ గారు రిజెక్ట్​ చేసిన విషయం తెలిసిందే.

కేసీఆర్​ కుటుంబానికి సేవ చేసే వ్యక్తులను గవర్నర్​ కోటాలో ఎమ్మెల్సీలుగా నియమించాల్సిన అవసరం లేదు. బీఆర్​ఎస్​ టిక్కెట్​ ఎవరికి టికెట్లు ఇస్తదంటే.. వాళ్ల కాళ్లదగ్గరపడి ఉండేవాళ్లకు, వాళ్ల మోచేతి నీళ్లు తాగే వాళ్లకు, ఆత్మగౌరవం లేని వాళ్లకు ఇస్తుంది. గవర్నర్​ కోటా నామినేటెడ్​ పోస్టులు కూడా అలాంటి వారికే ఇవ్వాలన్నది న్యాయం కాదు. ఈ విషయంలో గవర్నర్​ తీసుకున్న నిర్ణయాన్ని స్వాగతించదగినది. అనేక పార్టీలు ఫిరాయించిన వారు, కేసీఆర్​ కుటుంబానికి మాత్రమే సేవ చేసే వారిని గవర్నర్​ రిజెక్ట్​ చేశారు. అలాగే చేయాలి కూడా. పార్టీలకు, రాజకీయాలకు అతీతంగా నరేంద్ర మోడీ, బీజేపీతో ఏ మాత్రం సంబంధం లేని తెలంగాణ నుంచి ఒక సినీ కథా రచయిత విజయేంద్ర ప్రసాద్​ ఎంపీగా ప్రతిపాదిస్తే రాష్ట్రపతి ఆమోదం పొందారు. దక్షిణాది నుంచి పీటీ ఉష లాంటి అంతర్జాతీయ క్రీడాకారిణిని ప్రతిపాదించగా రాష్ట్రపతి ఓకే చేశారు. తెలంగాణ గవర్నర్​ తీసుకున్న నిర్ణయం సాహసోపేతమైనది. ఆమెకు తెలంగాణ ప్రజల తరఫున ధన్యవాదాలు తెలుపుతున్నం. కేసీఆర్​కు అనుకూలంగా ఉంటేనే.. గవర్నర్​గా వ్యవహరించినట్టా? కేసీఆర్​ చేస్తున్న తప్పిదాలు, పొరపాట్లను ఎత్తి చూపుతూ ధైర్యంగా నిర్ణయం తీసుకుంటే.. గవర్నర్​గా మీక నచ్చరా? అని ప్రశ్నిస్తున్నాను. గవర్నర్​ స్వతంత్రంగా వ్యవహరిస్తారు.. ఏ పార్టీతో ఆ పదవికి సంబంధం ఉండదు. తమ కాళ్ల దగ్గర ఉండేవాళ్లు గవర్నర్​ కోటాలో ఎమ్మెల్సీలుగా ఉండాలని కోరుకోవడం సమంజసం కాదు.. తెలంగాణ గవర్నర్​ తీసుకున్న నిర్ణయం సరైన నిర్ణయం అన్నారు కిషన్ రెడ్డి.. .