- ఐజీబీసీ నుంచి ప్లాటినం రేటింగ్ అందుకుంది.
- గతంలోనే గోల్డ్ రేటింగ్ పొందడం విశేషం
విజయవాడ రైల్వే స్టేషన్ ఐజీబీసీ ద్వారా గ్రీన్ రైల్వే స్టేషన్గా అత్యున్నత “ప్లాటినం రేటింగ్” సర్టిఫికేషన్ను పొందింది. ఈ రేటింగ్ ద్వారా గ్రీన్ రైల్వే స్టేషన్లకు సంబంధించిన అత్యున్నత రేటింగ్ విజయవాడ రైల్వే స్టేషన్కు లభించినట్లయింది. విజయవాడ రైల్వే స్టేషన్ ఐజీబీసీ నుంచి గోల్డ్ రేటింగ్ను కలిగి ఉంది. ఇప్పుడు ప్లాటినం సర్టిఫికేషన్ యొక్క అత్యున్నత ప్రమాణాన్ని సాధించింది.
విజయవాడ రైల్వే స్టేషన్కు అరుదైన గుర్తింపు దక్కింది. ఇండియన్ గ్రీన్ బిల్డింగ్ కౌన్సిల్(ఐజీబీసీ) నుంచి అత్యున్నత ప్లాటినం రేటింగ్ను కైవసం చేసుకుని గ్రీన్ రైల్వేస్టేషన్గా బెజవాడ ఎంపికైంది. గతంలో గోల్డ్ రేటింగ్ పొందగా తాజాగా ప్లాటినం సర్టిఫికెట్ దక్కింది. రైల్వే స్టేషన్లో ప్రయాణికులకు మెరుగైన వసతులతో పాటుగా పరిశుభ్రత, పారిశుద్ధ్యం, ఇంధన సామర్థ్య వినియోగం, నీటి సామర్థ్యం, స్మార్ట్, పర్యావరణ హిత అంశాలను పరిగణలోకి తీసుకుని గ్రీన్ రైల్వే స్టేషన్గా ఎంపిక చేశారు.
విజయవాడ రైల్వే స్టేషన్లోని ప్లాట్ఫాం పైకప్పుపై స్టార్ రేటింగ్ విద్యుత్ పరికరాల ఏర్పాటు చేశారు. అలాగే ఎల్ఈడీ చిత్రాలు, బీఎల్డీసీ ఫ్యాన్లు, డేలైట్ సెన్సర్లు, ఎనర్జీ మానిటరింగ్, సోలార్ హీటర్ల ఏర్పాటు చేశారు. అంతేకాదు నీటి వినియోగాన్ని తగ్గించడానికి బోగీల శుభ్రతలో అధిక పీడన జెట్ వ్యవస్థలు, వ్యర్థనీటి శుద్ధి, వ్యర్థ జలాల పునర్వినియోగ చర్యల వంటివి చేపట్టారు. రైల్వే స్టేషన్లో వైఫై, టికెట్ బుకింగ్లు, పర్యాటకానికి సంబంధించిన సమాచారం, బుకింగ్ కేంద్రాల్లో స్మార్ట్కార్డ్ టికెటింగ్ వ్యవస్థ, ఏటీవీఎంలు, ఫుడ్ కోర్టులు, మెడికల్ షాపులు, 24 గంటలూ సీసీటీవీ నిఘా, టచ్ స్క్రీన్ కియోస్కుల ఏర్పాటు, అన్ని ప్లాట్ఫారాల్లో లిఫ్టులు, ఎస్కలేటర్లు, కామ్టెక్ డిజైన్ ద్వారా కోచ్ వాటరింగ్, ఫుట్ ఓవర్ బ్రిడ్జిలు, లగేజీ కోసం ట్రాలీ సేవలు, వాహనాల కోసం పికప్, డ్రాప్ పాయింట్లు, ఛైల్డ్లైన్, వైద్య సదుపాయాల వంటి అత్యాధునిక వసతులు గ్రీన్ సర్టిఫికెట్ వచ్చేందుకు సహకరించాయి.