Thursday, February 29, 2024

సానియా మీర్జాకు షోయబ్‌ షాక్‌

తప్పక చదవండి
  • మూడో పెళ్లి చేసుకున్న క్రికెటర్‌
  • నటి సనా జావేద్‌తో నిఖా

లాహోర్‌ : పాకిస్తాన్‌ క్రికెటర్‌ షోయబ్‌ మాలిక్‌ భార్య సానియా మీర్జాకు షాక్‌ ఇచ్చాడు. తన భార్య టీమిండియా టెన్నిస్‌ క్రీడాకారిణీ సానియా మీర్జాతో దూరంగా ఉంటోన్న అతను మరోసారి పెళ్లి పీటలెక్కాడు. పాకిస్తాన్‌కే చెందిన ప్రముఖ నటి సనా జావేద్‌తో కలిసి శనివారం నిఖా చేసుకున్నాడు. గత కొంత కాలంగా వీరిద్దరూ రిలేషన్‌ షిప్‌లో ఉన్నట్లు వార్తలు వస్తున్నాయి. అదే సమయంలో సానియాతో షోయబ్‌ విడాకులు తీసుకుంటున్నట్లు ప్రచారం జరిగింది. అయితే వీటిపై ఎవరూ అధికారికంగా స్పందించిన దాఖలాలు లేవు. కానీ సడెన్‌గా మరోసారి పెళ్లి చేసుకుని షాక్‌ ఇచ్చాడు షోయబ్‌. ఇందుకు సంబంధించిన ఫొటోలను షోయబ్‌ నే ట్విట్టర్‌ లో షేర్‌ చేసుకోవడం గమనార్హం. సానియాతో విడాకుల ప్రచారం సాగుతుండగానే షోయబ్‌, సనాల పెళ్లి ఫొటోలు ప్రస్తుతం సామాజిక మాధ్యమాల్లో వైరల్‌గా మారాయి. సానియా, షోయబ్‌లది కూడా ప్రేమ వివాహం. ఇద్దరూ 2010లో హైదరాబాద్‌లో ముస్లిం సంప్రదాయ పద్ధతిలో వివాహం చేసుకున్నారు, ఆ తర్వాత పాకిస్థాన్‌లోని సియాల్‌కోట్‌లో వలీమా వేడుక చేసుకున్నారు. మాలిక్‌, సానియా మీర్జాలకు 2018లో ఇజాన్‌ అనే కుమారుడు జన్మించాడు. సానియా మీర్జా తన కుమారుడితో దుబాయ్‌ లో ఉండిపోతే, షోయబ్‌ మాలిక్‌ మాత్రం ఎక్కువగా పాకిస్తాన్‌లోనే ఉంటున్నాడు. ఇటీవల కుమారుడి బర్త్‌ డే వేడుకల్లో పాల్గొన్పటికీ పలకరించుకున్న దాఖలాలు కూడా లేవు. తమ బంధంపై బయట ఏనాడు మాట్లాడని సానియా, షోయబ్‌ సోషల్‌ మీడియాలో మాత్రం క్రిప్టిక్‌ పోస్టులు షేర్‌ చేస్తూ ఉన్నారు. రెండు రోజుల క్రితం కూడా ’పెళ్లి కష్టం.. విడాకులు ఇంకా కష్టం’ అంటూ సానియా పోస్ట్‌ షేర్‌ చేసింది. దీంతో వీరి విడాకుల వార్తలు మళ్లీ గుప్పుమన్నాయి. ఇప్పుడు ఏకంగా మరో పెళ్లి చేసుకుని షోయబ్‌ షాక్‌ ఇచ్చాడు. కాగా ఇది షోయబ్‌ మాలిక్‌కి ఇది మూడో పెళ్లి అని తెలుస్తోంది. సానియాతో వివాహానికి ముందు, మాలిక్‌ అయేషా సిద్ధిఖీ అనే అమ్మాయిని వివాహం చేసుకున్నట్లు ప్రచారం ఉంది. మరోవైపు సనా జావేద్‌ కు ఇది రెండవ వివాహం. సనా జావేద్‌ గతంలో పాకిస్థానీ సింగర్‌ ఒమర్‌ జస్వాల్‌తో రిలేషన్‌షిప్‌లో ఉంది. పెళ్లి కూడా చేసుకుందని తెలుస్తోంది. తన పెళ్లి ఫొటోలను ఇన్‌ స్టాలో పోస్ట్‌ చేయటంతో ఈ విషయం వెలుగులోకి వచ్చింది. ఆ అల్లా మమ్మల్ని జంటగా సృష్టించారు అని కామెంట్‌ చేశాడు. షోయబ్‌ మాలిక్‌ పెళ్లి ఫొటోలు బయటకు రావటంతో.. సానియా మీర్జాతో విడాకులు అనేది కన్ఫామ్‌ అయినట్లే.. కొన్ని రోజుల క్రితం విడాకుల అంశంపై సానియా కామెంట్లు చేయటం చూస్తుంటే.. అప్పటికే వీరి విడాకులు అయిపోయినట్లు.. ఇప్పుడు షోయబ్‌ కొత్త పెళ్లితో నిర్థారణ అవుతుంది. షోయబ్‌ మాలిక్‌ వయస్సు 41 ఏళ్లు.. సానియా వయస్సు 35 ఏళ్లు.

-Advertisement-
- Advertisement -
తాజా వార్తలు
- Advertisement -

మరిన్ని వార్తలు