హెల్మెట్ లేకుండా ప్రయాణం చేసిన రజినీకాంత్ మనుమడు

• ధనుష్-ఐశ్వర్య రజనీకాంత్ ల పెద్ద కుమారుడే యాత్ర
• బైక్ నెంబర్ ఆధారంగా యాత్రకు రూ.1000 జరిమానా వేసిన పోలీసులు

తమిళ స్టార్ హీరో ధనుష్ తనయుడు, తలైవా రజనీకాంత్ మనవడు యాత్ర పోలీసు జరిమానాకు గురయ్యాడు. ధనుష్-ఐశ్వర్య రజనీకాంత్ ల పెద్ద కుమారుడే యాత్ర. కొన్నిరోజుల కిందట యాత్ర ఓ స్పోర్ట్స్ బైక్ పై రయ్యిమంటూ దూసుకెళుతూ కనిపించాడు. ఆ సమయంలో అతడికి హెల్మెట్ లేదు. దీన్ని ఓ వ్యక్తి వీడియో తీసి సోషల్ మీడియాలో పోస్టు చేశాడు. ఈ వీడియో వైరల్ కావడంతో ట్రాఫిక్ పోలీసులు దీనిపై దృష్టి సారించారు. బైక్ నెంబర్ ఆధారంగా అది ధనుష్ బైక్ అని పోలీసులు గుర్తించారు. బైక్ నడిపిన యాత్రకు రూ.1000 జరిమానా విధించారు.