- తలసేమియా రోగుల కోసం రక్తాన్ని సేకరించేందుకు ఏ.ఐ.జీ. హాస్పిటల్స్‌లో ప్రత్యేక రక్తదాన శిబిరం..
హైదరాబాద్, తలసేమియా సికిల్ సెల్ సొసైటీ, ఏషియన్ ఇన్‌స్టిట్యూట్ ఆఫ్ గ్యాస్ట్రోఎంటరాలజీ హాస్పిటల్స్‌తో కలిసి బుధవారం రోజు ‘ప్రపంచ రక్తదాతల దినోత్సవాన్ని పురస్కరించుకుని నిస్వార్థ రక్తదాతలను వారి ప్రాంగణంలో సత్కరించారు. ఏఐజీ యొక్క ‘పింట్ ఆఫ్ లైఫ్’ ప్రచారంలో భాగంగా ఒక ప్రత్యేక రక్తదాన శిబిరం కూడా నిర్వహించబడింది. ఇందులో తలసేమియాతో బాధపడుతున్న పిల్లల కోసం 500 పైగా యూనిట్లకు పైగా రక్తాన్ని సేకరించారు. సేకరించిన రక్తాన్ని టీఎస్‌సీఎస్‌ కు అందజేస్తున్నారు.
ప్రపంచవ్యాప్తంగా సుమారు 300 మిలియన్ల మంది ప్రజలు తలసేమియాతో బాధపడుతున్నారు. సుమారు 500000 మంది పరిస్థితి యొక్క తీవ్ర రూపం కలిగి ఉన్నారు. ఈ రోగులకు రక్త మార్పిడితో సహా జీవితకాల నిర్వహణ అవసరం. తలసేమియా పట్ల నిబద్ధతతో, టి.ఎస్.సి.ఎస్. ఇప్పటివరకు 2870 రక్తదాన శిబిరాలను నిర్వహించింది.. 2,28,500 తలసేమియా రోగులకు ప్రాణాలను రక్షించే రక్తాన్ని అందించింది.
డాక్టర్ నాగేశ్వర్ రెడ్డి, ఛైర్మన్ – ఏఐజీ తన సంతోషాన్ని వ్యక్తం చేస్తూ.. క్రమం తప్పకుండా ఏఐజీ హాస్పిటల్‌ టి.ఎస్.సి.ఎస్. కి రక్తదానం చేస్తామని, అనేక ఇతర మార్గాల్లో సహాయం చేస్తామని హామీ ఇచ్చారు. ముఖ్యంగా తలసేమియా పిల్లలకు బీ.ఎం.టి. ( ఎముక మజ్జ మార్పిడి) చేయిస్తానని హామీ ఇచ్చారు. ఈ సందర్భంగా తలసేమియా అండ్ సికిల్ సెల్ సొసైటీ ప్రెసిడెంట్ డాక్టర్ చంద్రకాంత్ అగర్వాల్ మాట్లాడుతూ “ఈ ప్రపంచ రక్తదాతల దినోత్సవం సందర్భంగా తలసేమియా రోగుల ప్రాణాలను కాపాడేందుకు ముందుకు వచ్చిన ప్రతి దాతకు ధన్యవాదాలు తెలియజేస్తున్నాము. ఈ ప్రత్యేక రక్తదాన శిబిరాన్ని నిర్వహించి, ఈ రోజు సేకరించిన యూనిట్లతో టి.ఎస్.సి.ఎస్. కి సహాయం చేసినందుకు ఏఐజీ హాస్పిటల్స్‌కు కూడా మేము మా కృతజ్ఞతలు తెలియజేస్తున్నాము. ఇటువంటి ముఖ్యమైన సందర్భాలు రక్తదాన రంగంలో చేసిన అసాధారణ పురోగతిని ప్రతిబింబించేలా టి.ఎస్.సి.ఎస్.ని అనుమతిస్తాయి.. ఇది నిస్వార్థత యొక్క గొప్ప చర్య.. ఇది ప్రాణాలను కాపాడుతుంది.. అవసరమైన వారిలో ఆశను రేకెత్తిస్తుంది. ఒక దాత రక్తదానం చేస్తే 3 మంది రోగుల ప్రాణాలను కాపాడుతుంది. ప్రతి ఒక్కరూ ముందుకు వచ్చి లక్షలాది మంది ప్రాణాలను కాపాడే రక్తదానం చేయాలని మేము కోరుతున్నాము. టి.ఎస్.సి.ఎస్. లో మేము ఎల్లప్పుడూ రక్తదానం చేసే వ్యక్తులను ప్రోత్సహిస్తాము.”