Tuesday, April 16, 2024

స్పెయిన్ లో వరద బీభత్సం..

తప్పక చదవండి

యూరప్ దేశం స్పెయిన్ ను భారీ వర్షాలు ముంచెత్తాయి. గత కొన్ని రోజులుగా కురుస్తున్న వర్షాలకు వరదలు సంభవించాయి. స్పెయిన్ ఈశాన్య ప్రాంతంలోని జరాగోజా నగరంలో వరద బీభత్సం సృష్టించింది. అకస్మాత్తుగా వరద పోటెత్తడంతో వాహనదారులు తమ వాహనాల్లోనే చిక్కుకుపోయారు. ఎటూ కదల్లేక నిస్సహాయ స్థితిలో చూస్తూ ఉండిపోయారు. వాహనాలు సైతం కొట్టుకుపోయాయి. కొందరు కార్లు దిగి వాటిపైకెక్కి ప్రాణాలను కాపాడుకునే ప్రయత్నం చేశారు. అయితే వరద ధాటికి కొందరు కార్లతో సహా కొట్టుకుపోయారు. ప్రభుత్వ యంత్రాంగం వరద నీటిలో చిక్కుకుపోయిన వారిని కాపాడే ప్రయత్నం చేస్తోంది. మరోవైపు రానున్న రోజుల్లో ఉరుములతో కూడిన భారీ వర్షాలు కురిసే అవకాశం ఉందని వాతావరణ శాఖ తెలిపింది. ఈ నేపథ్యంలో ప్రజలు అప్రమత్తంగా ఉండాలని సూచించింది.

-Advertisement-
- Advertisement -
తాజా వార్తలు
- Advertisement -

మరిన్ని వార్తలు