- నోటిఫికేషన్ జారీ చేసిన కేంద్ర ఎన్నికల కమిషన్..
దేశంలోని పలు రాష్ట్రాల్లో 7 అసెంబ్లీ స్థానాలకు ఉప ఎన్నికలు నిర్వహణ కోసం కేంద్ర ఎన్నికల కమిషన్ నోటిఫికేషన్ జారీ చేసింది.. జార్ఖండ్, త్రిపుర, కేరళ, వెస్ట్ బెంగాల్, ఉత్తర ప్రదేశ్, ఉత్తరాఖాండ్ రాష్ట్రాల్లో ఈ ఉప ఎన్నికలు జరుగనున్నాయి..
జార్ఖండ్ లోని, 33-డుమ్రి స్థానంలో జగన్నాధ్ మహతో మరణంతో ఉప ఎన్నిక జరుగనుంది.. కేరళ రాష్ట్రంలో 98-పుత్తుపల్లిలో ఉమెన్ చాందీ మరణంతో ఉప ఎన్నిక, త్రిపుర రాష్ట్రంలో 20-బోక్స్ నగర్ లో సంసుల్ హాక్యూ మరణంతో ఉపఎన్నిక, 23-ధన్ పూర్ లో ప్రతిమా భౌమిక్ రాజీనామాతో ఉప ఎన్నిక, వెస్ట్ బెంగాల్ రాష్ట్రంలో 15-ధూప్ గురి (ఎస్సీ)లో బిష్ణు పాద రాయ్ మరణంతో ఉప ఎన్నిక, ఉత్తర్ ప్రదేశ్ రాష్ట్రంలో 354-ఘోషిలో దారాసింగ్ చౌహన్ రాజీనామాతో ఉప ఎన్నిక, ఉత్తరా ఖండ్ రాష్ట్రంలో 47-భాగేశ్వర్ (ఎస్సీ)లో చందన్ రామ్ దాస్ మరణంతో ఉప ఎన్నికలు అనివార్యమయ్యాయి..
ఈనెల 10న నోటిఫికేషన్, నామినేషన్ల దాఖలుకు చివరి తేదీ 17వ తేదీ, 18న స్క్రూటినీ, 21వ తేదీ నామినేషన్ల ఉపసంహరణకు చివరి తేదీ, సెప్టెంబర్ 5న ఎన్నికలు, 8న కౌంటింగ్ జరుగనున్నట్లు కేంద్ర ఎన్నికల సంఘం ప్రకటించింది..