- డౌన్‌ అయిన సర్వర్‌..
- 15 గంటల పాటు నిలిచిపోయిన సర్వీసులు..
- పునరుద్దరించిన రైల్వేశాఖ..
న్యూఢిల్లీ : ఇండియన్‌ రైల్వే ప్రయాణికుల కోసం ఎన్నో సదుపాయాలను తీసుకువస్తుం టుంది. కొన్నికొన్ని సౌకర్యాలలో అప్పుడప్పుడు సాంకేతిక లోపం తలెత్తుతుంటుంది. కానీ అలాంటి లోపాలను రైల్వే శాఖ త్వరితగతిన పరిష్కరిస్తుంటుంది. దాదాపు 15 గంటల పాటు నిలిచిపోయిన ఐఆర్‌సీటీసీ సర్వీసు మళ్లీ ప్రారంభమయ్యాయి. ఐఆర్‌సీటీసీ సైట్‌ యధావిధిగా పని చేయడం ప్రారంభించింది. ఇప్పుడు ఐఆర్‌సీటీసీ వెబ్‌సైట్‌ నుండి
టిక్కెట్‌ బుకింగ్‌ చేయవచ్చు. రైల్వేలు ఇచ్చిన సమాచారం ప్రకారం.. ఐఆర్‌సిటిసి వెబ్‌సైట్‌లో సాంకేతిక లోపం కారణంగా డబ్బు నిలిచిపోయిన ప్రయాణికుల డబ్బును వాపసు చేయనున్నట్లు రైల్వే తెలిపింది. మరోవైపు, ప్రయాణికుల కోసం రైల్వే స్టేషన్లలో కౌంటర్ల కోసం రైల్వే ప్రత్యేక ఏర్పాట్లు చేసింది. అక్కడ నుంచి వారు బుకింగ్‌ చేసుకోవచ్చు. అంతకుముందు మే 6న ఐఆర్‌సీటీసీ సేవలు నిలిచిపోయాయి. దీంతో వినియోగదారులు తీవ్ర ఇబ్బందులు పడ్డారు. ఇప్పుడు పునరుద్దరించడంలో యధివిధాగా టికెట్లను బుకింగ్‌ చేసుకోవచ్చు. ఇంతకుముందు టికెట్‌ బుకింగ్‌ యాప్‌, వెబ్‌సైట్‌ ఐఆర్‌సీటీసీలో సాంకేతిక సమస్య దృష్ట్యా దేశవ్యాప్తంగా రైల్వే స్టేషన్లలో కౌంటర్‌ టికెట్‌ బుకింగ్‌ సౌకర్యాన్ని భారతీయ రైల్వే పెంచింది. నాగ్‌పూర్‌ డివిజన్‌లో అదనంగా 6 పీఆర్‌ఎస్‌ టిక్కెట్‌ కౌంటర్‌లను ప్రారంభించారు. సెంట్రల్‌ రైల్వేలోని ప్రధాన స్టేషన్లలో 22 కౌంటర్లు పనిచేస్తున్నాయి. నాగ్‌పూర్‌-2 అదనపు కౌంటర్లు, వార్ధా- 1, బల్లార్షా-1, చంద్రపూర్‌-1, బేతుల్‌-1, అజ్నీ-1 అదనపు అకౌంటర్లను ఓపెన్‌ చేశారు. ఐఆర్‌సీటీసీ వెబ్‌సైట్‌, యాప్‌లో సాంకేతిక సమస్య కారణంగా టిక్కెట్లు బుక్‌ చేయడం లేదని మంగళవారం ఐఆర్‌సీటీసీ ట్వీట్‌ చేయడం ద్వారా తెలియజేసింది. సాంకేతిక సమస్య కారణంగా వెబ్‌, యాప్‌ ద్వారా చెల్లింపు చేయడంలో సమస్య ఉందని ఐఆర్‌సీటీసీ ద్వారా సమాచారం షేర్‌ చేసింది. ఐఆర్‌సీటీసీ చాలా మంది వినియోగదారులు టిక్కెట్‌ బుకింగ్‌ సమయంలో డబ్బు కట్‌ అయ్యాయి. కానీ టిక్కెట్‌ను బుక్‌ చేయడం సాధ్యపడలేదు. సీఆర్‌ఐఎస్‌ సాంకేతిక బృందం సమస్యను పరిష్కరిస్తోందని ఐఆర్‌సీటీసీ ట్వీట్‌ చేసింది. అయితే, మీరు బుకింగ్‌ కోసం ఆస్క్‌ డ్కెరెక్షన్‌ ఎంపికను ఎంచుకోవచ్చు. మీ ఐఆర్‌సీటీసీ ఇ-వాలెట్‌లో డబ్బు ఉంటే, అక్కడ నుంచి కూడా టిక్కెట్లు బుక్‌ చేసుకోవచ్చని ఐఆర్‌సీటీసీ తెలిపింది.
తప్పక చదవండి
-Advertisement-